Şuşa Bəyannaməsi bölgədə sabitliyin möhkəmlənməsinə, iqtisadi əməkdaşlığın genişlənməsinə və yeni sərmayələrin cəlb olunmasına mühüm töhfə verir

Şuşa Bəyannaməsi bölgədə sabitliyin möhkəmlənməsinə, iqtisadi əməkdaşlığın genişlənməsinə və yeni sərmayələrin cəlb olunmasına mühüm töhfə verir

 Şuşa Bəyannaməsi yalnız bu günün deyil, gələcəyin də inkişaf proqramıdır. Bu sənəd Azərbaycan və Türkiyə arasında qardaşlıq münasibətlərini daha da möhkəmləndirməklə yanaşı, regionun iqtisadi inkişafına, yeni investisiyaların cəlb edilməsinə və sahibkarlıq fəaliyyətinin genişlənməsinə güclü stimul verir. Əldə olunan nəticələr göstərir ki, bəyannamənin yaratdığı imkanlar gələcək illərdə daha böyük iqtisadi uğurlara yol açacaq.

Turizm sektoru da Şuşa Bəyannaməsinin yaratdığı imkanlardan faydalanan əsas sahələrdən biridir. Azərbaycanın mədəniyyət paytaxtı hesab olunan Şuşa şəhəri zəngin tarixi, mədəni irsi və təbii gözəllikləri ilə turistlərin diqqətini cəlb edir. Turizmin inkişafı hotellərin, istirahət mərkəzlərinin, ictimai iaşə obyektlərinin və müxtəlif xidmət sahələrinin yaradılmasını stimullaşdırır. Bu isə yeni sərmayələrin qoyuluşuna geniş imkanlar açır.

Kənd təsərrüfatı sektorunda da böyük perspektivlər mövcuddur. Azad olunmuş ərazilərin münbit torpaqları, zəngin su ehtiyatları və əlverişli iqlim şəraiti burada müasir kənd təsərrüfatının inkişafı üçün geniş imkanlar yaradır. Türkiyə və digər ölkələrdən olan investorların aqrar sektora marağı getdikcə artır. Müasir texnologiyaların tətbiqi məhsuldarlığın yüksəlməsinə və ixrac potensialının genişlənməsinə səbəb olur.

Enerji sahəsində əməkdaşlıq da Şuşa Bəyannaməsinin mühüm istiqamətlərindən biridir. Xüsusilə yaşıl enerji layihələrinin həyata keçirilməsi regionun iqtisadi potensialını artırır. Günəş, külək və su enerji resurslarından səmərəli istifadə edilməsi həm enerji təhlükəsizliyinə, həm də yeni investisiyaların cəlb olunmasına xidmət edir. Dünyada yaşıl enerji mənbələrinə marağın artdığı bir dövrdə bu istiqamətdə həyata keçirilən layihələr bölgənin investisiya cəlbediciliyini daha da yüksəldir.

Şuşa Bəyannaməsi bölgədə sabitliyin möhkəmlənməsinə, iqtisadi əməkdaşlığın genişlənməsinə və yeni sərmayələrin cəlb olunmasına mühüm töhfə verir. Bu tarixi sənəd işğaldan azad olunmuş ərazilərin sürətli bərpasına, müasir infrastrukturun qurulmasına, yeni iş yerlərinin yaradılmasına və əhalinin rifahının yüksəlməsinə xidmət edir. Azərbaycan və Türkiyənin birgə səyləri nəticəsində bölgə yaxın gələcəkdə Cənubi Qafqazın ən inkişaf etmiş iqtisadi məkanlarından birinə çevriləcək və Şuşa Bəyannaməsi bu uğurun əsas dayaqlarından biri kimi tarixdə qalacaq.

Fuad Eyvazov – Məmmədqasımlı kənd sakini, sahibkar