SOCAR-ın Ukraynada uğurlu fəaliyyəti: Azərbaycan–Ukrayna əməkdaşlığında yeni mərhələ
Aprelin 25-də Volodimir Zelenskinin Azərbaycana səfəri iki ölkə arasında münasibətlərə yeni dinamika gətirdi. Səfər zamanı Azərbaycan Prezidenti cənab İlham Əliyev mətbuata verdiyi bəyanatda həm mövcud əməkdaşlıqdan, həm də gələcək planlardan danışaraq xüsusilə enerji sahəsində əldə olunan nəticələri ön plana çəkdi. Prezident İlham Əliyev çıxışında vurğuladı ki, SOCAR uzun illərdir Ukrayna bazarında uğurla fəaliyyət göstərir. Bu fəaliyyət təkcə biznes əlaqələri ilə məhdudlaşmır, eyni zamanda iki ölkə arasında iqtisadi və strateji əməkdaşlığın möhkəmlənməsinə xidmət edir. SOCAR-ın Ukraynada gördüyü işlər yanacaq təminatının sabitliyinə də müsbət təsir göstərir. Bu isə həm istehlakçılar, həm də yerli bazar üçün vacib amil hesab olunur. Şirkətin fəaliyyəti nəticəsində yeni iqtisadi imkanlar yaranır, əməkdaşlıq şəbəkəsi genişlənir.
Bəyanatda qeyd olunub ki, Azərbaycan və Ukrayna arasında münasibətlər yalnız enerji sahəsi ilə məhdudlaşmır. Ticarət, investisiya və digər sahələrdə də əməkdaşlıq inkişaf edir və bu, ikitərəfli əlaqələrin daha da güclənməsinə şərait yaradır. Görüş zamanı həmçinin regional və beynəlxalq məsələlər də müzakirə olunub. Tərəflər qarşılıqlı anlaşma və dostluq prinsiplərinə əsaslanan əməkdaşlığın davam etdirilməsinin vacibliyini bir daha təsdiqləyiblər.
Ümumilikdə, bu səfər Azərbaycan və Ukrayna arasında əlaqələrin gələcəkdə daha da genişlənəcəyinə dair müsbət mesajlar verdi. SOCAR-ın Ukraynada uzunmüddətli və uğurlu fəaliyyəti isə bu münasibətlərin ən önəmli nümunələrindən biri kimi diqqət çəkir.
Zərdab rayon Gəlmə kənd sakini, gənc fəal-Ziya Tağızadə
Şərh yazın