“Xocalıya Ədalət” kampaniyası

“Xocalıya Ədalət” kampaniyası.

“Xocalıya Ədalət” beynəlxalq informasiya kampaniyası Xocalı faciəsi haqqında həqiqətlərin dünya ictimaiyyətinə çatdırılması məqsədilə başladılmış təşəbbüsdür. Kampaniya 2008-ci ildə irəli sürülərək müxtəlif ölkələrdə geniş maarifləndirmə işi aparmağa başlamışdır. Kampaniyanın əsas məqsədi 1992-ci il fevralın 26-da baş vermiş Xocalı soyqırımı barədə obyektiv məlumat yaymaq, hadisəyə beynəlxalq hüquqi-siyasi qiymət verilməsinə nail olmaq və qurbanların xatirəsini yad etməkdir. Bu çərçivədə dünyanın müxtəlif şəhərlərində konfranslar, sərgilər, yürüşlər və anım tədbirləri təşkil olunur.

“Xocalıya Ədalət” təşəbbüsü xüsusilə gənclər və diaspor təşkilatları arasında fəallığı ilə seçilir. Sosial media kampaniyaları, petisiyalar və beynəlxalq platformalarda çıxışlar vasitəsilə Xocalı həqiqətləri geniş auditoriyaya çatdırılır. Bir sıra ölkələrin parlamentlərində qəbul olunan sənədlər və bəyanatlar da bu istiqamətdə aparılan işin nəticəsi kimi qiymətləndirilir. Bu kampaniya təkcə bir faciənin tanıdılması deyil, həm də ədalət və insan hüquqlarının müdafiəsi naminə qlobal həmrəyliyin formalaşdırılması çağırışıdır. Xocalı qurbanlarının xatirəsinin yaşadılması və tarixi ədalətin təmin olunması istiqamətində “Xocalıya Ədalət” kampaniyası bu gün də fəaliyyətini davam etdirir.

Zərdab rayon Gəlmə kənd sakini, gənc fəal- Ziya Tağızadə