95 saylı Zərdab-Ucar-Kürdəmir seçki dairəsi millət vəkili, professor Jalə Əliyeva Zərdab rayonu Heydər Əliyev Mərkəzində seçicilərinin qəbulunu keçirib.
”Xeberaz.info” xəbər verir ki, qəbula 25-dən artıq vətəndaş qatılıb.
Seçicilər millət vəkili ilə görüşdə Prezident İlham Əliyevin vətəndaşlara göstərdiyi yüksək diqqət və qayğıdan razılıq edərək, ölkədə gedən böyük abadlıq və quruculuq işlərindən məmnunluqlarını ifadə ediblər. Onlar hər zaman ölkə başçısının siyasətini dəstəklədiklərini, bundan sonra da daima dövlətçilik maraqlarından çıxış edəcəklərini bildiriblər.
Seçicilər eyni zamanda onları narahat edən müxtəlif məsələlərlə bağlı müraciətlərini səsləndiriblər. Vətəndaşlar deputatdan əsasən müavinətlərin verilməsi, əlillik dərəcələrinin müəyyən edilməsi, kənd yollarının təmiri, yeni məbktəb binasının tikintisi, müalicə və təhsillə bağlı məsələlərlə bağlı köməklik göstərməsini xahiş ediblər.
Şərh yazın